Ra’iisal wasaare A/weli Sheekh Maxamed ayaa saarka aroortii ku dhawaaqay isku shaandheyn uu ku sameeyay qaar kamida golaha wasiiradiisa oo xilalka loo kala bedelay. Isku shaandheyntan oo hore la isugu maandhaafay, lana filayay in laga tanaasulay ayaa soo baxday xilli aan la fileyn iyadoo la filayo inuu ka hor yimaado madaxweynaha oo si toos ah ay u taabaneyso arrintan, waxayna ka danbeysay digniin uu madaxweynaha u jeediyay Ra’iisal wasaaraha.
Isku-shaandhayn ayaa lagu sameeyay golaha xukuumadda ayadoo dhowr wasiir la isku beddelay xilalkooda. sidoo kale wasiir ku xigeenno iyo wasiiru-dowlayaal ayaa xilalka loo kala wareejiyay.
Wareegtada uu soo saaray Ra’iisal wasaaraha waxaa akhriyay Wasiirka Warfaafinta Mustaf Sheekh Cali Dhuxuloow waxayna ahayd sida soo socota:
1-Wasiirka Wasaaradda Garsoorka iyo Arrimaha Dastuurka Mudane Saalim Caliyoow Ibroow
2-Wasaaradda Xanaanada Xoolaha,Dhirta iyo Daaqa Mudane Faarax Sheekh C/qaadir
3-Wasiirudowlaha Wasaaradda Maalliyadda Mudane Burci Maxamed Xamsa
4-Wasiirudowlaha Wasaaradda Arrimaha Dibadda iyo Dhiiragelinta Maalgashiga Mudane C/laahi Maxamed Nuur
5-Wasiir ku xigeenka Arrimaha Dibadda iyo Dhiiragelinta Maalgashiga Mudane C/raxmaan Cabdi Cismaan
6-Wasiir ku xigeenka Wasaaradda Maalliyadda Mudane C/laahi Sheekh Cali Qaloocoow
7-Wasiir ku xigeenka Wasaaradda Qorsheynta iyo Xiriirka Caalamiga ah Mudane Mahad Maxamed Salaad
8-Wasiir ku xigeenka Wasaaradda Ganacsiga iyo Warshadaha Marwo Fahmo Axmed Nuur
[download id=”527″]
Wadani Info
Muqdisho
