Tan iyo markii uu dibadda u soo baxay khilaafka ka dhaxeeya madaxweynaha dowladda Federaalka Soomaaliya Xasan Sheekh Maxamuud iyo Ra’iisal wasaarihiisa C/weli Sheekh Axmed 25-kii Oktoobar 2014, waxaa hadba soo shaac baxayay warbixino iyo xog muhiim ah oo ku xeeran khilaafka oo markii danbe loo tarjumay mooshin laga keenay Ra’iisal wasaaraha.
Kooxda taageersan madaxweynaha oo hore olole noocan oo kale ugu qaaday Ra’iisal wasaarihii hore Faarax Shirdoon Saacid ayaa leh khibrad ay ku kasban karaan xildhibaanno badan oo ay ku soo dari karaan dhinacooda, laakiin waxay markan adeegsanayaan qaabab cusub oo aan hore loo arag, kuwaasoo Wadani.com ay soo xaqiijisay qaar ka mida oo ah sida soo socota:
[blockquote style=”4″]LAALUUSH:: Lacag la siinayo xildhibaanada oo qeybta koowaad ay dhan tahay $3000, qeybta labaad marka la rido xukuumaddana ay helayaan $2000. [/blockquote]
[blockquote style=”4″] BALANQAAD JAGOOYIN:: Arrinta labaad ayaa ah balanqaad jagooyin, sida in wasiir waliba dib loo soo celinayo ama jagooyin cusub oo loo balanqaadayo kooxdii is heysata oo dhowr xildhibaan ah[/blockquote]
[blockquote style=”4″] JAGO LA BIXIYAY:: Jagooyinka qaarkood waxaa la yaab leh in haddaba la hirgeliyay, iyadoo Beel ka mida beelaha Hawiye la siiyay jago ah “guddoomiye ku xigeenka Gobolka ee dhinaca Howlaha guud”, jagadaas oo dhowaan loo magaaabay Cabdicasiis Cilmi Diiriye” iyadoo laba xildhibaan taageeradooda lagu helay xilkaasi[/blockquote]
[blockquote style=”4″]QABYAALAD:: waa qaab kale oo lagu soo xero geliyo xildhibaanada iyadoo loogu beer laxawsanayo in Madaxweynaha ay taageeraan oo aan loo jebin caddowga oo loola jeedo beesha uu ka soo jeedo Ra’iisal wasaaraha; inkastoo ilaa iyo hadda aan la heynin beel taageersan Ra’iisal wasaaraha[/blockquote]
[blockquote style=”4″]CABSI-GELIN:: waa qaab cusub oo ku soo biiray taageero u raadinta mooshinka lagu ridayo Ra’iisal wasaaraha, arrintan oo ka imaaneysa mas’uuliyiin kala duwan oo xil ka haya dowlada si toos ahna loogu jeedinayo xildhibaanada taageersan Ra’iisal wasaaraha.[/blockquote]
Waxaa kaloo xusid mudan in ololaha looga horjeedo xukuumadda Ra’iisal wasaare C/weli laga shaqaaleysiiyay dad aad u faro badan oo ay ka mid yihiin marwo madaxweyne. hoggaamiye kooxeedyo hore, Ganacsato iyo xubno kala duwan oo dhammaantood xusul duub ugu jira inay hirgeliyaan qorshaha ah kalsooni kala noqoshada xukuumadda C/weli Sheekh.
Arrimahan oo dhan waxay dhacayaan iyadoo aan la ogeyn waxa ka danbeyn doona ololahan xitaa haddii lagu guuleysto ridista C/weli iyo xukuumadiisa.
Wadani.com
Muqdisho
[ad name=”HTML”]
