Baarlamaanka Soomaaliya ayaa la filayaa inuu maanta cod u qaado mooshinka baarlamaanka Jubba kadib markii uu baaqday Arbacadii hore, waxaana xildhibaanada wada mooshinkaasi ay ku gacan seyreen codsi ka yimid xukuumadda Soomaaliya oo Raiisal wasaare Cumar C/rashiid ku dalbaday inay xukuumaddu xaliso arrintan Jubooyinka.
Xildhibaanada Mooshinka ayaa saxaafadda u sheegay in Baarlamaanka lagu kala baxayo oo aanay jirin sabab xukuumadda loogu celiyo arrintan. Xildhibaan Daahir Jeesow oo ka mida xildhibaanada mooshina keenay ayaa sheegay in Kismaayo maamulka ka jira aanu aqoonsaneyn xukuumadda, markii uu halkaasi wasiir tagana si aad u liidata loo soo dhoweeyo.
Wuxuu intaas ku daray mar haddii uu mooshinka soo gaaray Barlamaanka inaysan jirin cid dib u celin karta oo kaliya ay ku go’aan in cod loo qaado si sharci darrada halkaas ka dhacday loo dib looga noqdo.
Ra’iisal wasaaraha xukuumadda Soomaaliya Cumar C/rashiid ayaa shirkii golaha wasiirada ee Khamiistii ku dalbaday in arrinta baarlamaanka Jubbooyinka xukuumadu la wareegto oo guddi xaliya cabashada ka jirta arrintaasi uu magacaabi doono, balse waxaa muuqata in xildhibaanada qaarkood ay ka horjeedaan arrintani, isla markaana sharci ku taagan yihiin, iyadoo la ogaan doono saacadaha soo socda sida xaalku ku danbeeyo.
Wadani.com
[ad name=”HTML-1″]
[ad name=”HTML-6″]
