Xildhibaano hor leh ayaa ka baxaya liiska tageerayasha madaxweynaha ee saxiixay mooshinka laga keenay Ra’iisal wasaare C/weli Sheekh Axmed, waxayna xogta Wadani.com heshay ay sheegeysaa in 5 xildhibaan aya qaarna ka duuleen garoonka diyaaradaha Muqdisho markii lagu qanciyay inay ka tanaasulaan mooshinka oo ku biiraan kooxda taageersan Ra’iisal wasaaraha ama ay dalka isaga tagaan oo la siiyo sahaydii safarka.
Xildhibaano hadda gaaraya 13 ayaa Muqdisho uga tegay qorshahan xanbaarka ah oo ay xildhibaannada mooshinka saxiixay ee dib uga laabtay ay qaarkood doorteen inay tallaabadaas qaataan. Waxaa kaloo jira ilaa 6 xildhibaan oo si rasmi ah uga laabtay mooshinka. Kooxda ololaha Ra’iisal wasaaraha wada ayaa ka rajo qabta inay yareeyaan tirada saxiixday mooshinka oo qaarkood markii horeba dalka ka maqnaayeen.
Wararka qaarkood ayaa sheegaya in kooxda Ra’iisal wasaaraha aya dhaqaale ka heshay ganacsato Soomaaliyeed oo dhowr ah kuwaas oo Ra’iisal wasaaraha dhinaciisa markii ugu horeysay ka qaaday culeyskii ka heystay dhinaca dhaqaalaha, waxaana dagaalka siyaasadeed ee Madaxweynaha iyo Ra’iisal wasaaraha u muuqdaa inuu lugaha la galay dhinacyo fara badan oo kala ujeedo ah.
Wadani.com
London
[ad name=”HTML”]
