Madaxweynaha dowladda Federaalka Soomaaliya ayaa caawa gaaray magaalada Adis ababa ee dalka Itoobiya kadib markii uu saacado kooban ku sugnaa magaalada Muqdisho isagoo ka soo laabtay dalka Jarmalka oo arrimo caafimaad uu u joogay muddo shan beri ah.
Socdaalka madaxweynaha ayaa warbaabinta dowladda ku sheegtay inuu kulamo kula qaadan doono dalka Itoobiya wufuud ka socota Beesha caalamka. Goobjooge.com ayaa ogaatay in ujeedada socdaalka madaxweynaha ee dalka Itoobiya uu yahay ka qeybgalka xuska sanadguurada 40-aad ee Jabahdda Tigree (Tigray People’s Liberation Front -TPLF). Xuskaasi oo ka dhacaya magaalada Mekelle ayaa waxaa kaloo ka qeybgalaa madax ka kala socota dalalka Ruwanda, Uganda, iyo Jabuuti, waxaana magaaladaasi ku sugan Ra’iisal wasaaraha Itoobiya.
[ad name=”HTML-2″]
Safarka uu madaxweynaha  ugu anbabaxay dalka Itoobiya ayaa la xaqiijiyay inuu ku qornaa Ra’iisal wasaare Cumar C/rashiid Cali, laakiin CC ayaa  weli ku maqan yahay dalka Kanada halkaasoo uu degdeg ugu socdaalay markii ay hooyadii ku geeriyootay.
Ra’iisal wasaaraha ayaa soo jeediyay inuu xafladaasi uu ka qeyb galo ku xigeenkiisa Maxamed Cumar Carte, waxaana galabta Muqdisho kasoo degtay diyaar gaar ah oo loo soo kireeyay Ra’iisal wasaare ku xigeenka si uu shirkaasi uga qeybgalo, lakiin warar xogogaal ah ayaa sheegaya in saacadii ugu danbeyay la bedelay oo safarkaasi madaxweynaha isku qoray, isagoo si lama filaan ah ugu anbabaxay Itoobiya si uu xafladaasi uga qeybgalo, iyadoo ay jireen xiriiro ay madaxda Itoobiya la soo sameysay Madaxweynaha.
Goobjooge.com
Muqdisho
[ad name=”HTML”]
[ad name=”HTML-5″]
