Jabhadda ONLF ee dagaalka kula jirtay dowladda Itoobiya una ololeysa xornimo uu Gobolka Soomaali Galbeed ka qaato Itoobiya ayaa shir muhiim ah uga furmayaa magaalada Asmara ee dalka Etereriya.
Shirkan ayaa ku soo beegmay iyadoo xaalad isbedel weyn ah ay ka jirto dalka Itoobiya markkii uu talada la wareegay Ra’iisal wasaaraha kasoo jeeda Qowmiyadda Orromada ee Abiy Ahmed, waxayna wararku sheegayaan in ONLF ay bedeli doonto hoggaanka ururkaasi.
ONLF ayaa isu diyaarineysa inay wajahdo xaaladda Itoobiya, iyadoo la ogyahay inuu fashilmay wadahadalkii ugu danbeeyay ee dowladda Itoobiya iyo ONLF ku dhex maray dalka Kenya.
Afhayeenka jabhadda ONLF C/qaadir Xasan Caddaani Hirmooge oo Asmara ku sugan, kana qeyb glaya shirka ayaa sheegay in shirkan saddexaad ee ONLF uu si ahaa mid hore u qorsheysnaa, wuxuuna intaas ku daray inay soo dhoweynayaan isbedellada ka socda dalka Itoobiya.
