Ra’iisal wasaaraha dowladda Soomaaliya Cumar C/rashiid Cali ayaa maanta qoraal uu soo gaarsiiyay guddoonka Baarlamaanka ku codsaday in xilliga uu baarlamaanka hor keenayo xukuumadiisa dib loogu dhigo ilaa 22-ka bishan, wuxuuna ka codsaday Baarlamaanka inay codsigiisa ka aqbalaan si uu isugu diyaariyo qorshaha xukuumadiisana isku duba rido.
Qoraalka codsiga oo saaka loo keenay guddoonka baarlamaanka ayaa goor dhoweyd laga akhriyay fadhiga baarlamaanka, taasoo guux weyn ka dhalisay xildhibaanada dhexdooda oo shalay u codeeyay in Sabtida la horkeeno xukuumada cusub baarlamaanka si codka kalsoonida loogu qaado. Hore ayay Wadani.com u sii shaaciyay in Ra’iisal wasaaruhu codsan doono waqti dheeraad ah oo ay ugu wacan tahay mucaaradnimada ku furan. (Akhri warkaasi)
Guddoomiya ku xigeenla labaad Mahad Cawad ayaa codsiga Ra’iisal wasaaraha kadib sheegay in cod loo qaadayo codsiga, waxaase buuq iyo qeylo ka hor keenay qaar ka mida wasiirada xukuumada cusub oo ku doadaya in codsiga la aqbalo oo aan cod loo baahneyn.
Wixi soo kordha kala soco halkan
Wadani.com
Muqdisho
