Maamulka Puntland ayaa albaabada isugu dhufatay xarun uu xisbiga Wadajir ee uu hoggaamiyo siyaasiga C/raxmaan Cabdishakuur Warsame ka furtay magaalada Garowe.
Xafiiskan oo la furay 31-kii Jannaayo 2019, ayaa maanta amar lagu bixiyey inuu sharci darro yahay oo la xiro, kadib markii guddoomiyaha gobolka Nugaal, C/salaan Xassan Xirsi (Gu’ jir) uu amray in la xiro xarunta Xisbiga Wadajir ee magaalada Garowe.
Maamulka PUntalnd ayaa ku dooday inaysan dooneyn in dagaalka siyaasadeed ee xisbiyada ka jira magaalada Muqdisho uu saameyn ku yeesho Puntland iyo xiriirka ay la leedahay Dowladda Federaalka Soomaaliya.
Waxaa kaloo Puntland amar ku bixisay in xisbiyada ka dhisan Soomaaliya aysan xarumo ka furan karin degaannada Puntland, iyadoo aan sharciyadooda diyaar ahayn.
